Þarf tilsögn í landafræði

Ég veit ekki betur en að það séu rúmir 400 km frá Patreksfirði til Reykjavíkur. Á Patreksfirði var fæðingadeild en síðan var henni lokað svo konur héðan hafa val um að ferðast til Ísafjarðar,Akranes eða Reykjavíkur. Til Ísafjarðar er ekki hægt að komast nema hluta úr ári hægt væri að fljúga fyrst til Reykjavíkur og síðan til Ísafjarðar en kosnaðurinn myndi margfaldast,svo flestar kjósa að fara til Reykjavíkur. Ég á barnabarn sem fæddist á Patreksfirði 2002 og annað barnabarn er á leiðinni núna í desember en móðirinn þarf að fara suður núna fljótlega því von er á barninu 24 des og vegna samgönguleysis þá þarf hún að hafa góðan tíma,því auðvita er allra veðra von á þessum árstíma. Ég held að Guðbjartur Hannesson þyrfti að fá tilsögn í landafræði áður en að hann kemur með svona yfirlýsingar. Það er ekki hægt að tala um Vestfirði sem eina heild þó að það virki stutt út á landakorti í skrifstofu suður í Reykjavík það er himin og haf á milli samgöngulega séð.

250 km á næstu fæðingardeild